Форензично значење на менталната ретардација

Кривично-правното значење на ментално ретардираните лица е големо , бидејќи заедно со психопатите тие го сочинуваат поголемиот процент од прекршителите на законот.Според прочуениот судски психијатар Јефтиќ како крадци тие се во 31%, како сексуални престапници 36,5% .И други епидемиолошки истражувања говорат дека во општиот криминалитет ментално ретардираните лица учестуваат најмалку со една третина.
Од форензичен аспект , длабоката и тешката ментална ретардација немаат некое особено значење , бидејќи со својот коефициен до 20 (длабоката) до 34 (тешката) тие тешко се движат и расудуваат, па многу ретко директни извршители на некое кривично дело.Почесто се жртва на некој криминалец кој сака да се стекне со нивната имотна состојба.

Во општиот криминалитет далеку енајголем , процент отпаѓа на лесно ментално ретардираните со IQ од 50 до 70 и умствената возраст на 11- годишно дете.Поради нивната зголемената сугестибилност , тие најчесто се користени од другите криминалци кои на нив стекнуваат имовна корист.Освен сугестабилноста, кај нив недостасува способноста за добро проценување на корисноста на делото, способноста за предвидување на последиците и сл. Пресметливоста е зависна од коефициентот на интелигенцијата, односна од способноста да го сфати значењето на делото и способноста да управува со своите постапки(когнитивност и контивност).Колку што е понизок IQ , толку е намалена способноста за расудување и управување и толку е доведена во прашање и пресметливоста.